抗癌勇士歌手李明蔚（Serena）今日喺西九龍中心舉行「信、望、愛」慈善簽名會，實現夢想推出首張單曲唱片，Serena心情激動，在背後出錢出心支持嘅馬浚偉到場支持，同屬教友蔚雨芯及麥貝夷等都有到來。Serena分享了抗癌過程及追尋音樂夢困難，從年初錄音時仍可以唱到歌，到現時受面癱影響發音。另外林奕匡、阮兆祥同C AllStar等錄了祝賀片段，當中汪明荃大讚Serena有無私嘅心，將唱片不扣任何收益捐助香港防癌會，並叮囑首先養好身子再發展歌唱事業。
馬仔陪同Serena一齊受訪，Serena感激大家愛鍚及支持，由於西醫暫時未有治療方法，故Serena現時以中醫調理身體，佢表示要再配合積極樂觀心態。獲阿姐汪明荃鼓勵，Serena話：「好感動，會學習佢嘅精神。」Serena視容祖兒為偶像，問佢會否希望有機會能夠跟偶像合唱？佢話:「當然想。」身旁馬仔即表示跟祖兒相熟，馬仔話：「只要Serena健康許可，我同祖兒講吓，或者踩上英皇，如果Serena有咩音樂或演藝上想完成，我能力所及都會做。」
網站文章: 25/11/2017 |【加油！】抗癌歌手李明蔚望同祖兒合唱 馬浚偉：踩上英皇
| https://hk.entertainment.appledaily.com/enews/realtime/article/20171125/57503758